“Памяць у сэрцы жыве”
75-годдзе вызвалення Беларусі краіна адзначае вельмі ўрачыста. Запланаваны і праводзяцца мерапрыемствы ў гонар перамогі над нямецка-фашысцкімі захопнікамі, у гонар памяці аб загінуўшых у імя свабоды і незалежнасці беларускага народа.
У нашым дзіцячым садку ў гонар славутай даты нядаўна таксама з’явіўся такі Куток памяці. Патрыятычнае выхаванне з’яўляецца адным з прыярытэтных накірункаў выхаваўчай работы нашай установы адукацыі. Стваралі яго выхавацелі разам са сваімі выхаванцамі. Маленькія грамадзяне вельмі адказна падышлі да выканання гэтай справы. А потым у Кутку памяці адбылася міні-экскурсія ў ваеннае мінулае “Памяць ваенных гадоў”. Выхаванцы садка ўжо знаёмы з гістарычным мінулым свайго края. Не раз наведвалі яны помнік воінам, загінуўшым у гады вайны, які знаходзіцца ў прыгожым парку гарадскога пасёлка Сапоцкін. Падчас экскурсіі ў мінулае выхаванцы даведаліся аб тым, як мужна змагаліся абаронцы, каб на сапоцкінскай зямлі заўсёды быў мір і спакой.
Кожны грамадзянін нашай краіны ведае, якой цаной здабыта перамога. Падрастаючае пакаленне таксама павінна ведаць аб гэтым, памятаць пра гэта. Памяць у сэрцы жыве. Ніхто не забыты, нішто не забыта…. Вечны агонь як напамін аб загінуўшых… Кветкі як знак павагі да іх подзвігаў…
